Манчестер Јунајтед почна да работи на привлекување на фудбалерор за врска на Интер, Хакан Чалханоглу. Во летниот преоден рок „црвените ѓаволи“ би сакале да го доведат на „Олд Трафорд“.
Раководството на Манчестер Јунајтед сигурно ќе го засили средниот ред по завршувањето на сезоната и од клубот сметаат дека Турчинот е вистинската личност да ја подигне класата на тимот на средината на теренот.
Чалханоглу минатото лето се пресели во Интер како слободен агент и веднаш стана клучен играч на „нероаѕурите“, откако претходно четири сезони играше на „Сан Сиро“, но за Милан. Тој има договор со Интер до 2024 година, па Интер ќе биде во силна позиција во евентуалните преговори за негова продажба.
