Чаби Алонсо ќе остане тренер на Баер Леверкузен и следната сезона, и покрај интересот од водечките европски клубови, вклучувајќи ги Реал Мадрид и Тотенхем, изјави спортскиот директор на клубот Симон Ролфес.
Пред заминувањето на тимот на првиот полуфинален натпревар од Лигата на Европа против Рома в четврток, Ролфес изјави дека „секогаш има гласини“, но „клубот е мирен“ на оваа тема.
„Тој има договор, па ние сме мирни. И во моментов разговараме како да го подобриме тимот за следната година“, рече Ролфес.
Поранешниот играч на Ливерпул, Баерн Минхен и на Реал Мадрид, Чаби Алонсо, е на чело на Леверкузен од минатата есен со договор до 2024 година.
Тој ги предводеше „фармацевтите“ од опасната зона во Бундес-лигата до шестото место и до полуфиналето на Лигата на Европа, каде ќе се соочи со својот поранешен шеф од Реал, Жозе Мурињо, кој сега раководи со Рома.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski