Македонскиот прволигаш Брегалница се засили со Горан Силјановски. 31-годишниот десен бек доаѓа од еден од најтрофејните албански клубови Динамо Тирана, каде настапуваше изминативе две сезони.
Претходно, Силјановски беше член на Работнички, а во кариерата настапуваше и за Македонија ЃП, Вардар, Тетекс и за Ренова.
Во богатата кариера, во која има и бројни трофеи на домашната сцена, Силјановски има и 21 настап за младата репрезентација на Македонија, како и четири официјални настапи за А-репрезентацијата на Македонија.
