Бразилската фудбалска конфедерација донесе одлука да го отпушти селекторот Доривал Жуниор, пренесува бразилскиот медиум „УОЛ“. Веста треба официјално да биде објавена во следните часови.
Причината за оваа одлука е поразот од Аргентина (1-4) во јужноамериканските квалификации за Светското првенство 2026 година.
62-годишниот Жуниор ја презеде селекцијата на Бразил во јануари 2024 година. Неговиот договор беше со важност до крајот на 2026 година.
Бразил има 21 бод по 14 одиграни натпревари и се наоѓа на четвртото место на табелата во квалификациите за Светското првенство 2026.
