Бојан Димоски утре потпишува за Партизан

Македонскиот репрезентативец Бојан Димоски утре треба да потпише договор со Партизан. Според српските медиуми, Димоски денеска ќе пристигне во Белград од Русија, а утре ќе ги помине медицинските прегледи и ќе стави потпис на договорот.

Тој ќе игра како позајмен фудбалер од рускиот клуб Акрон Тољати до крајот на сезоната, со опција Партизан да го откупи неговиот договор за 200.000 евра.

Бојан Димоски е поранешен играч на Вардар и на Брера, а од летото 2023 година е член на Акрон Тољати.