Бобан Николов ексклузивно за МАКФУДБАЛ од Мадрид: Лудница…Го победив Реал, за спомен дресот на Модриќ (ФОТО)

Македонскиот репрезентативец Бобан Николов со Шериф Тираспол дојде и го покори „Сантијаго Бернабеу“. Шериф направи сензација и славеше со 1-2, а Николов влезе во игра во судиското продолжение.

За МАКФУДБАЛ ексклузивно, по големиот триумф.

„Лудница… Што да кажам. Кога ќе го победиш на „Бернабеу“ клубот за кој си навивал од мал, си плачел на негови порази…Сега плачевме сите, но од среќа. Ова ќе го паметам до крајот на животот, за ова вреди да се игра фудбал“, изјави за МАКФУДБАЛ од „Бернабеу“, Бобан Николов.

Од ваков голем триумф, мора да се има и спомен. Боби го зеде дресот на Лука Модриќ.

„Ги заменивме дресовите со Лука Модриќ. Чест ми е, многу сум среќен“, дополни Боби Николов.