УЕФА ќе го исфрли рускиот клуб Спартак Москва од натпреварувањето во Лига Европа, а тоа значи дека Лајпциг без борба ќе избори пласман во четвртфиналето, тврди „Билд“. Европската куќа на фудбалот, како што пренесува германскиот медиум, ќе го исфрли Спартак Москва поради војната во Украина.
Натпреварите помеѓу Лајпциг и Спартак треба да се играат на 10. и 17.март.
„Имаме целосна доверба во УЕФА и во одлуката што ќе ја донесе. Натпреварите треба да бидат откажани“, изјавил Оливер Минцлаф од Лајпциг.
Спартак Москва како победник во групата Ц обезбеди директен пласман во осминафиналето, а Лајпциг во претходната рунда го елиминираше Реал Сосиедад.
