Ѕвездата на Манчестер Сити, Бернардо Силва „сонува“ до крајот на кариерата да игра за Реал Мадрид. Се зголемуваат шпекулациите за преселбата на Португалецот во шпанската престолнина со оглед на неизвесната иднина на Лука Модриќ.
Пеп Гвардиола минатото лето потврди дека Силва побарал да си замине, но оттогаш ужива во ѕвездена сезона со шампионот во Премиер – лигата.
Досега, плејмејкерот има 10 гола и три асистенции на 34 натпревари во сите натпреварувања, но неговата иднина на „Итихад“ се уште е неизвесна. Според италијанските медиуми, Португалецот сонува за летен трансфер во Реал Мадрид, како замена за Модриќ кој е веќе ветеран.
Се очекува 36-годишниот Модриќ да потпише нов едногодишен договор со Реал Мадрид, иако неодамна потврди дека ќе игра професионален фудбал до својот 40-ти роденден.
