Реал Мадрид оствари минимална, но многу важна победа (0-1) на гости кај Рајо Ваљекано. Карим Бензема беше стрелец на победничкиот погодок во 83.минута од дуелот со кој „кралевите“ се зацврстија на првата позиција на табелата во Ла Лига.
Македонскиот голман Столе Димитриевски беше на клупата за резерви на овој меч, а доверба доби Лука Зидан.
„Кралевите“ сега имаат девет бода предност пред Севилја, но и еден одигран меч повеќе од најблискиот конкурент.
