Барселона ја одби првата понуда на Јувентус за дефанзивецот Роналд Араухо како премногу мала, пишува „Мундо Депортиво“. Италијанскиот гигант е во потрага по нов централен дефанзивец поради повредите на Глејсон Бремер и Хуан Кабал, а приоритетна цел на „старата дама“ е Уругваецот Араухо.
Сепак, мисијата на Јувентус за Роналд Араухо нема да биде лесна. Иако фудбалерот има желба да ја напушти Барселона, клубот нема намера да го пушти без да добие значителна сума за трансферот.
Понудата на Јувентус изнесувала вкупно 30 милиони евра, од кои 5 милиони да се платат веднаш како позајмица, а дополнителни 20 милиони за откуп на неговите права следното лето, плус уште 5 милиони преку разни бонуси.
Од „Камп Ноу“ бараат минимум 70 милиони евра за Араухо, така што категорично го одбиле предлогот на Јувентус.
