На Барселона и се доволни и десетина минути за да направи пресврт и о негатива од 0-2 да дојде до 3-2 и да победи. Тимот на Чави одеше по работ против Селта, но на крајот сепак успеа да стигне до значаен триумф.
Селта поведе со голот на Ларсен во 19.минута, а Доувикас зголеми на 0-2 во 76.минута.
Ситуацијата за каталонскиот гигант делуваше сложено, но на сцена стапи Роберт Левандовски. Полскиот голгетер со два гола, во 81. и во 86.минута израмни на 2-2, а потоа Жоао Кансело постигна победнички погодок во 89.минута од мечот.
