Германскиот првак Баерн Минхен влезе во преговари со Ким Мин-Јае, дефанзивецот од Наполи. Јужнокорејскиот стопер одигра историска сезона со Наполи во која го освои италијанското првенство, а сега го чека трансфер на кариерата.
Манчестер Јунајтед долго време беше главен фаворит за ангажманот на Ким Мин-Јае, но сега работите стануваат посериозни бидејќи во трката се вклучи и Баерн.
Откупната клаузула на Јужнокореецот е 60 милиони евра, што значи дека Наполи на краток рок од него ќе заработи 42 милиони евра. Тој дојде од Фенербахче за само 18 милиони евра.
