Баер Леверкузен оствари сигурен триумф (3-1) над Ајнтрахт Франкфурт и уште повеќе ја заплетка борбата во Бундес-лигата за пласман во Лигата на шампионите. Сега Ајнтрахт има само еден бод предност во однос на Борусија Дортмунд на четвртата позиција на три кола до крајот на шампионатот.
Интересно е дека на овој меч немаше голови до 70.минута, а потоа паднаа дури четири. Леон Бејли во 70.минута донесе предност за „фармацевтите“, Лукас Аларио во 80.минута зголеми на 2-0, а во финишот уште два гола, по едне во двете мрежи. Андре Силва намали на 2-1 во 91.минута, а во следниот напад Керем Демирбај го постави конечниот епилог.
