Атлетико Мадрид против Бетис потсети на шампионските денови (ВИДЕО)

Атлетико Мадрид потсети дека се уште е актуелен првак на Ла Лига и го совлада на гости Бетис со 1-3. Тимот на Диего Симеоне со овој триумф го прескокна токму Бетис на табелата и се смести на четвртата позиција која води во Лигата на шампионите.

Жоао Феликс во втората минута донесе предност за Атлетико Мадрид, но Кристијан Телјо израмни непосредно пред одморот.

Сепак, во вториот дел Жоао Феликс постигна уште еден погодок во 61.минута, а триумфот на Атлетико Мадрид го завери Томас Лемар.