Атлетико Мадрид падна во Билбао (ВИДЕО)

Атлетик Билбао го совлада Атлетико Мадрид со 2-1 и го направи супер-интересен крајот на шампионатот во Ла Лига. Сега тимот на Диего Симеоне има 73 бода на врвот, два повеќе од Реал Мадрид и од Барселона, но каталонците имаат одиграно еден меч помалку.

Во Баскија е секогаш тешко да се освојат бодови. Алехандро Бернгер во осмата минута го отвори резултатот во корист на доаќинот, а израмни Стефан Савиќ од корнер со удар со глава во 77.минута.

Но, речиси на идентичен начин возврати повторно и Атлетик Билбао. Ињиго Мартинез во 86.минута со удар со глава ја закова топката зад грбот на Јан Облак.