Аталанта ја декласира Болоња со 5-0 во Бергамо и го држи курсот за пласман во Лигата на шампионите. Тимот на Синиша Михајловиќ немаше никакви шанси против разиграниот домаќин, а речиси цело полувреме играше и со фудбалер помалку поради исклучувањето на Џерди Шутен.
Руслан Малиновски ја отвори серијата во 22.минута, а пред крајот на првиот дел Луис Мјуриел зголеми на 2-0 од белата точка. Фројлер и Запата најавија дебакл за Болоња, а конечниот епилог го постави Миранчук.
