Менаџерот на Арсенал, Микел Артета, ги пофали своите играчи по победата од 2-3 на гости против Вотфорд. Ова беше четврти успех во низа за „топчиите“, кои сега го заземаат четвртото место на табелата.
„Стануваме се подобри. Играчите сега многу подобро се разбираат на теренот. Моравме да постигнеме и повеќе голови. Гледам желба за подобрување на секој од нив на тренинзите, секој ден. Играчите уживаат во времето заедно. Успеваме да ги победиме натпреварите и тоа е исто така многу важно. Мислам дека полека градиме тим што јас го имав замислено“, изјави Артета.
Следни противници за лондончани се Лестер, Ливерпул и Астон Вила.
