Арсенал е во голема резултатска криза, загуби и денеска на гостувањето на „Гудисон Парк“, а менаџерот Микел Артета се наоѓа пред отказ. Но, тој се обиде да ги заштити фудбалерите истакнувајќи дека тие се „ранети“ по серијата лоши резултати.
„Момците имаат рането срце, воопшто не им е драго што губиме речиси секој меч. Но, ако сакаме да победиме, ќе мора на теренот да ги добиваме и тие ситни детали кои се многу важни за играта. Несомнено е дека се борат за секоја топка, но на крајот противникот излегува побрз и повешт во дуелите“, изјави Микел Артета.
Арсенал го има најслабиот старт на сезоната во последните 46 години бележејќи осум порази на последните 14 натпревари.
