Арсенал оваа сезона игра далеку под очекувањата, но една од светлите точки во вториот дел од сезоната е Мартин Одегард, норвешкиот интернационалец кој дојде на позајмица од Реал Мадрид. Тој по завршувањето на сезоната ќе мора да се врати на „Сантијаго Бернабеу“, а менаџерот Микел Артета полека го крои составот за следната сезона. Ќе мора да најде нов офанзивен играч кој ќе ги раздвижи напаѓачите.
Негов прв „пик“ е Џулијан Брант, фудбалерот на Борусија Дортмунд. Артета би сакал да го доведе на „Емирати“ и подготвен е да плати 30 милиони евра.
Доколку Борусија Дортмунд не успее да обезбеди пласман во ЛШ, тогаш сигурно ќе следи распродажба на „Сигнал Идуна парк“, а Микел Артета се надева дека ќе може да ја оствари целта за ангажман на германскиот фудбалер.
