Арсенал е во трка за титулата во Премиер – лигата, но исто така паралелно работи и на летни засилувања. Менаџерот Микел Артета би сакал на „Емирати“ да го доведе талентираниот напаѓач на Салцбург, Ноа Окафор.
Артета ги има Габриел Жесус и Еди Нкетија како адути во нападот, но оваа сезона покажа дека потребен му е поголем ростер поради можноста од повреди и огромниот број на натпревари во сите конкуренции.
Окафор ја игра четвртата сезона во Салцбург и досега за австрискиот тим на 108 натпревари постигна 34 гола и забележа 23 асистенции.
