Финалето на Лигата на шампиони е закажано во Истанбул на 29 мај, но се повеќе се размислува и за префрлување на финалната пресметка на Островот поради тоа што британската влада воведе ограничувања за патување на нејзините државјани во Турција каде коронавирусот не стивнува. Со оглед дека за трофејот ќе се натпреваруваат Манчестер Сити и Челси, ФА на Англија веќе лобира во УЕФА да го добие финалето на „Вембли“ во Лондон.
Култниот англиски стадион во овој момент би можел да биде исполнет со капацитет од 22.500 гледачи, а тоа секако и одговара и на УЕФА.
Европската куќа на фудбалот набрзо треба да донесе конечна одлука каде ќе се одржи финалето на ЛШ, дали ќе остане Истанбул град домаќин или пак организацијата ќе му биде доверена на некој друг град.
