Реал Мадрид доживеа дебакл (0-4) од Барселона на „Сантијаго Бернабеу“. Ел Класико се претвори во кошмар за „кралевите“, а Барса покрај четирите гола имаше уште неколку стопроцентни шанси.
Тренерот Карло Анчелоти го признава поразот и вели дека целата поставка на тимот била погрешна.
„Вечерва се беше погрешно. Јас погрешив со тактичката поставеност и мора да се признае дека тимот одигра очаен натпревар. Треба да им се извиниме на навивачите и да бидеме самокритични. Не бевме на потребното ниво. Никој не сака да загуби на ваков начин, посебно не на Ел Класико, но мора да останеме мирни затоа што имаме бодовна предност на врвот“, изјави Карло Анчелоти по дебаклот.
