Фудбалската репрезентација на Македонија има „златна шанса“ да обезбеди место во баражот за Светското првенство. По фантастичниот триумф (0-5) против Ерменија во Ереван и неочекуваниот „кикс“ на Романија (0-0) против Исланд, сега нашиот национален тим сам решава за својата судбоина. В недела ни гостува Исланд и потребна е победа која ќе го трасира патот за нов бараж, овојпат за мундијалот во Катар.
„Во фудбалот нема фаворити и не важи „мора да се победи“. Тоа некогаш и не се остварува. Но, ние сега имаме одлична шанса и треба да ја искористиме. Одиме на победа против Исланд, тоа е јасно“, изјави Алиоски.
Левиот бек беше стрелец на дуелот во Рејкјавик на кој Македонија испушти предност од 0-2 и на крајот ремизираше (2-2).
