Македонската фудбалска репрезентација уште еднаш покажа дека знае да се носи и со најсилните – одигра извонредно реми 1-1 против моќната Белгија во квалификациите за Светското првенство. Нашите момци уште еднаш покажаа карактер и останаа непоразени, продолжувајќи го позитивниот резултатски ритам.
Херојот на вечерта беше Езгјан Алиоски, кој го постигна израмнувачкиот гол и донесе голема радост кај навивачите.
„Ако си крал – крал си. Среќен сум, нормално. Секогаш одиме на победа. И против Белгија имавме шанси, но тие се квалитетна селекција. Сега фокусот го префрламе на следниот меч – со Казахстан“, изјави Алиоски по натпреварот.
Нашите репрезентативци денеска заминуваат за Казахстан, каде што во понеделник ќе го одиграат следниот важен меч од квалификациите.
