Македонскиот репрезентативец во дресот на Фенербахче, Езгјан Алиоски, ќе мора предвреме да ја заврши 2022 година. Во пресрет на враќањето на националните првенства, Алиоски ќе мора принудно да паузира три седмици.
Тој го истегнал мускулот на тренинг и ќе мора да одмори одреден период.
„Алиоски му беше утврдено истегнување од втор степен и има болки во препоните што ги доживеа на тренинг. Ќе започне со тренинзи после 2-3 недели откако ќе добие соодветен третман“, објави Фенербахче.
Според ова, Алиоски ќе ги пропушти сите натпревари до крајот на годината.
