Францускиот фудбалски голман Стив Манданда (40) во разговор за „Л’Екип“ објави крај на својата кариера.
„Ми беше потребно време да го прифатам тоа, пред сè затоа што не е лесно, но да – завршувам. Долго размислував бидејќи имав многу понуди, но секогаш одговарав со – не,“ изјави 40-годишниот голман, на кого во јуни му заврши договорот со Рен.
Кариерата ја започна во Ле Авр, а потоа во два наврати го бранеше голот на Олимпик Марсеј, настапуваше и за Кристал Палас и Рен.
За француската репрезентација запиша 35 настапи и беше дел од „триколорите“ кои во 2018 година го освоија Светското првенство, а четири години подоцна сребрениот медал на Мундијалот во Катар.
