Алберто Џилардино, поранешен напаѓач на Парма, Милан и Фиорентина како и на италијанската репрезентација, го има првиот тренерски ангажман во сениорскиот фудбал.
Тој го презеде кормилото на тимот на Џенова кој се натпреварува во Серија Б.
Џилардино од почетокот на оваа сезона го предводеше младинскиот тим на клубот, а на клупата ќе го замени Александер Блесин.
Џенова сакаше експресно враќање во Серија А, но на последните пет натпревари не забележа победа, а сето тоа кулминираше со пораз од 0-1 од Цитадела на домашен терен. Има уште добри шанси бидејќи е на петтото место на табелата и шест бода зад Реџина, која е на место кое води во повисок ранг.
Џилардино имаше богата фудбалскаа кариера во која го освои Светското првенство во 2006 година со репрезентацијата, како и Лигата на шампионите со Милан во 2007 година.
