Алаба за столчето: Волшебната вечер заслужи необична прослава

Дефанзивецот на Реал Мадрид, Давид Алаба, на интересен начин ја изрази својата радост за победата од 3-1 над Пари Сен Жермен во Лигата на шампионите и елиминацијата на францускиот првак. Вирален хит беше неговата прослава со столче во рацете.

„Добро е одвреме – навреме да пробате нова прослава. Не планирав, тоа беше резултат на големите емоции. Со толку голем пресврт можете да полудите! Моравме да го прославиме со стил во соблекувалната. Тоа беше волшебна вечер!“, изјави Алаба.