Алаба се врати на тренинзите на Реал Мадрид

Давид Алаба се врати на тренинзите на Реал Мадрид, пренесуваат шпанските медиуми. Австрискиот интернационалец заработи повреда на десната нога на првиот меч со Манчестер Сити во полуфиналето на Лигата на шампионите одигран на 26 април.

29-годишниот дефанзивец повторно ќе биде на располагање на тренерот Карло Анчелоти на мечот против Бетис, последен од сезоната во Ла Лига, но можеби и ќе биде комплетно поштеден и сочуван за финалето од Лигата на шампионите против Ливерпул на 28 мај во Париз.