Саудискиот клуб Ал-Наср сака да направи уште еден голем трансфер по ангажманот на Кристијано Роналдо. Нивна цел е хрватскиот интернационалец од Лука Модриќ, а ирачкиот медиум „НРТ Спорт“ предмалку објави дека начелен договор со фудбалерот е веќе постигнат.
Модриќ има договор до крајот на сезоната, а сѐ уште виси во воздух потписот на евентуална нова соработка со „кралевите“. Во последниот период се појавија шпекулации дека возраста на Модриќ и последните игри сепак би можеле да донесат пресврт и тој на лето да си замине од „Сантијаго Бернабеу“.
