Аргентинскиот интернационалец Серхио Агуеро во еден момент од натпреварот меѓу Манчестер Сити и Арсенал ја допре по рамото линиската судијка Сајан Маси-Елис, а тоа на Островот е окарактеризирано како контроверзен сексистички потег. Менаџерот Пеп Гвардиола вели дека Агуеро е подготвен да се извини, а со тоа не сакал никако да ја навреди делителката на правдата.
„Агуеро е подготвен да се извини ако судијката Маси-Елис се „чувствува лошо“ поради допирот на нашиот напаѓач. Мислам дека медиуите од тоа направија преголем случај“, изјави Пеп Гвардиола.
Манчестер Сити денеска од 13.30 часот му гостува на Вест Хем во шестото коло од Премиер – лигата.
