Адеми и Ристовски славеа титула: Горди сме на оваа сезона

Динамо Загреб ја освои двојната круна во Хрватска, а по синоќешниот последен меч во сезоната против Шибеник, капитенот Аријан Адеми го крена големиот шампионски пехар. Првата титула со „модрите“ ја освои и Стефан Ристовски.

„Горди сме и среќни што на овој начин ја завршивме оваа напорна сезона, ова е голем успех за сите нас. Јас лично сум исто така горд на сè што направив во Динамо, на сите трофеи, се надевам дека ќе продолжиме во ист стил и следната година. Најголемата сила Динамо е во заедништвото“, изјави капитенот Аријан Адеми.