Абдул Руатубјаје кој до неодамна го носеше дресот на Шкупи, во продолжение од сезоната ќе го носи дресот на Брера. Тој по раскинување на соработката со прволигашот од Чаир реши да се пресели во Струмица и веќе се приклучи на тимот предводен од Горазд Михајлов.
Станува збор за искусен дефанзивен фудбалер кој во Македонија дојде во јануари 2021 година и беше дел од шампионскиот состав на Шкупи. Се врати во Руанда каде играше за Рајон Спортс, а од февруари беше повторно дел од Шкупи за кој ги одигра и првите четири натпревари од новото првенство.
Руатубјаје во својата кариера три сезони беше и во неколку клубови во САД и седум години во својата држава. Тој е репрезентативец на Руанда за која има 33 настапи, а има постигнато три гола.
