На спортскиот комплекс на “Александар Палас“ во Скопје, утре со почеток од 10 часот ќе се одржи за првпат во Македонија, турнир во шутбал. Ова ќе биде и своевидна промоција на спортот, кој наликува на фудбал, само учесниците не смеат да трчаат, туку само да одат.
Во шутбалот забрането е трчањето, има специфични правила, а сетоа тоа утре ќе биде објаснето. Почетниот удар, односно самата промоција на овој спорт ќе биде извршена од македонската фудбалска легенда Васил Рингов.
