Актуелниот европски првак Манчестер Сити в петок во Саудиска Арабија ќе игра против бразилскиот Флуминенсе за титулата светски клупски шампион. Англискиот клуб вчера во полуфиналето го победи јапонскиот Урава со 3-0.
Хрватскиот интернационалец Матео Ковачиќ во петок ќе има можност да го постигне она што ниту еден фудбалер во историјата не го постигнал – да стане светски клупски шампион со три различни клуба откако ја освои таа титула со Реал Мадрид и со Челси.
Досега тој рекорд го делеше со играчи како Кристијано Роналдо (шампион со Манчестер Јунајтед и со Реал Мадрид), Тони Крос (Баерн Минхен и Реал Мадрид), Давид Алаба (Баерн Минхен и Реал Мадрид) и Антонио Рудигер (Челси и Реал Мадрид).
