Барселона го „мерка“ Бруно Гимараеш

Фудбалерот од средниот ред на Њукасл, Бруно Гимараеш, е цел на интерес за Барселона. Каталонскиот гигант планира да го доведе следното лето.

Според „Мундо Депортиво“, актуелниот договор на Бразилецот има ослободителна клаузула од 116 милиони евра, па тоа зделката ја прави тешко остварлива.

26-годишниот фудбалер го продолжи договорот со Њукасл во октомври. Новиот договор на Бразилецот важи до 2028 година.

Оваа сезона Бруно Гимараеш одигра 21 натпревар, постигна еден гол и забележа две асистенции.