Фудбалерот на Реал Мадрид, Раул Асенсио, се соочува со можност за казна затвор од две и пол години поради споделување видео-снимка на која тројца негови поранешни соиграчи имаат сексуален однос со две девојки на Канарските Острови.
Иако девојките дале согласност за односот, тие не дале дозвола да бидат снимани, а објавувањето на видеото во јавноста предизвика голем скандал, особено бидејќи станува збор за малолетнички на возраст од 16 и 17 години.
Асенсио не учествувал во односот, но ја споделувал снимката, поради што јавниот обвинител бара затворска казна од две и пол години за фудбалерот на Реал Мадрид, кој успеа да се наметне и во првиот тим под водство на Карло Анчелоти.
