Вардар доживеа убедлив пораз (5-0) од Лозана и ја заврши европската одисеја.
Тренерот Гоце Седлоски искрено призна дека неговиот тим потфрли во сите сегменти, а се распадна по првиот примен гол.
“Честитки за Лозана, тие одат понатаму заслужено, а ние го завршуваме европскиот пат. Тежок пораз за мене, за тимот, за клубот, за навивачите. Ќе мораме да се кренеме, затоа што сезоната во Македонија штотуку почнува. Што се однесува до овој тежок пораз, ќе го анализираме детално, но мислам дека се распаднавме по првиот примен гол. Не успеавме да се вратиме, не стоевме вистински на теренот и поразот беше неминовен. Тоа противник како Лозана не го простува”, изјави тренерот на Вардар, Гоце Седлоски.
