Интер остана непоразен против Јувентус и го задржа врвот во Серија А (ВИДЕО)

Јувентус и Интер ремизираа 1-1 во големото дерби во Торино. Со тоа „нероаѕурите“ го задржаа врвот на табелата во Серија А со 32 бода, два повеќе од второпласираниот Јувентус.

Душан Влаховиќ во 27.минута донесе предност за Јувентус откако погоди од 14 метри, по одличната асистенција на Федерико Киеза.

Сепак, Интер возврати само шест минути подоцна. Маркус Турам од десната страна одлично го проигра, а Лаутаро Мартинез успеа да ја затресе мрежата на Шчешни.