Фудбалерите на Баерн во петтото коло од Бундес – лигата го совладаа Бохум со дури 7-0 и се наоѓаат на врвот на табелата.
Хари Кејн, фудбалерот кој Баерн го донесе за 100 милиони евра од Тотенхем, постигна хет-трик против Бохум.
Така, Кејн постигна седум гола на првите пет натпревари во Бундеслигата во дресот на Баерн и стана нов рекордер на клубот. Досега рекордот го држеа Марио Манџукиќ, Герд Милер и Мирослав Клосе со по пет гола на првите пет првенствени натпревари.
Ова е прв хет-трик на Англичанецот во Бундес – лигата по осум што ги имаше во Премиер – лигата.
