Напаѓачот на Аталанта, Џанлука Скамака, ќе биде надвор од терените околу еден месец, откако заработи повреда на мускулот во неделниот пораз од Фиорентина со 3-2 во италијанската Серија А. Лекарските прегледи покажаа дека 24-годишниот фудбалер има повреда на бутниот мускул на левата нога.
Според прогнозите, Скамака ќе ги пропушти следните четири натпревари на италијанскиот тим во Серија А, како и два меча од турнирот во Лига Европа.
Џанлука Скамака се приклучи на клубот од Бергамо по трансферот од 25 милиони евра од англискиот Вест Хем ова лето.
Од почетокот на тековната сезона има постигнато два гола на четири натпревари.
