Македонскиот репрезентативец Александар Трајковски е нов играч на хрватскиот гогант Хајдук Сплит. Тој е претставен на одличен начин, а ќе го носи дресот со број „9“.
„Прекрасно е чувството да се биде дел од Хајдук. Едвај чекам да се приклучам на тимот. Ја познавам добро ХНЛ, играв тука одамна. Сега сум пак тука, и среќен сум што ќе играм во така голем клуб. Имам доста искуство, минав низ неколку силни лиги, имам многу настапи за репрезентацијата, и се надевам дека на Хајдук ќе му помогнам да стигне до големи успеси“, изјави Трајковски.
Тој потпиша договор до 2025 година и ќе се приклучи на плејадата македонски фудбалери кои низ историјата го носеле дресот на Хајдук Сплит.
