Саудискиот клуб Ал-Ахли е решен по секоја цена да го привлече Софијан Амрабат од Фиорентина, пишува „Л’Екип“. Мароканскиот интернационалец е многу посакуван и од Манчестер Јунајтед, но Арапите се подготвени да дадат повеќе пари и на италијанскиот клуб и на фудбалерот.
Ал-Ахли веќе ги ангажираше Роберто Фирмино, Ријад Махрез, Едуард Менди и Ален Сен Максимин.
Амрабат блесна во селекцијата на Мароко на последното Светско првенство во Катар и Фиорентина прифати дека играчот со холандско потекло ќе го напушти клубот ова лето.
