Поранешниот спортски директор на Севилја, Мончи, е назначен за директор на фудбалските операции на Астон Вила. 54-годишниот Шпанец доаѓа на местото на Кристијан Перслоу, кој во понеделникот објави дека се пензионира.
„Едвај чекам повторно да работам со Унаи Емери. Тој е еден од најдобрите тренери во фудбалот“, изјави Мончи.
Рамон Родригез Вердехо, како што е неговото полно име, и помогна на Севилја да го освои трофејот во Лига Европа седум пати во текот на неговите две периоди во клубот помеѓу 2000 и 2023 година.
Три од тие титули беа освоени додека Емери беше на чело на андалузискиот тим. Тие исто така освоија два Купа на Шпанија и еден Суперкуп на Европа. Покрај тоа, Мончи работеше и како спортски директор на Рома меѓу 2017 и 2019 година, кога клубот стигна до полуфиналето на Лигата на шампионите.
„Среќни сме што Мончи ни се придружува на нова позиција која ќе ги консолидира сите фудбалски одговорности во клубот. Тој, како и Емери, е навикнат да победува“, изјави претседателот на клубот, Насеф Савирис.
