Кајл Вокер е уште еден дефанзивец на Манчестер Сити кој се поврзува со трансфер во Баерн Минхен, пишуваат медиумите во Германија.
Договорот на Вокер истекува следната година и не е невозможно Манчестер Сити да одлучи да го продаде. Посебно затоа што фудбалерот не е задоволен од минутажата, а бараната сума веројатно нема да биде пречка за трансферот.
Кајл Вокер беше редовен стартер за тимот на Гвардиола кој освои тројна круна, но во последно време се зборува за негово заминување, а бил многу разочаран што останал на клупата во финалето на Лигата на шампионите против Интер.
На тренерот на Баерн Томас Тухел му се допаѓа играчот, веќе е остварен контакт и Англичанецот е отворен за трансфер. Тренерот високо го цени искуството и менталитетот на играчот, а идејата е Вокер да се натпреварува со Нусаир Мазрауи и Јосип Станишиќ за местото на десната страна во одбраната.
