Фудбалската репрезентација на Македонија утревечер ја пречекува Украина во квалификациите за ЕВРО 2024. Капитенот на националниот тим Стефан Ристовски вели дека атмосферата е позитивна, а фудбалерите максимално се мотивирани.
“Во денешниот фудбал нема многу простор за импровизации. Ако победуваш, ќе одиш напред, ако не – си ја чекаш следната шанса. Украина е многу силна селекција, можеби не премногу звучни по име, но многу силна репрезентација. Верувам дека сме доро подготвени и дека ќе можеме да одговориме на предизвикот. Очекувам поддршка и од публиката, ќе ни биде потребна”, изјави Стефан Ристовски.
