Де Лихт поради повреда не игра на завршниот турнир во Лигата на нации

Холандскиот фудбалски репрезентативец Матијс Де Лихт поради повреда ќе го пропушти завршниот турнир во Лигата на нации, соопшти денеска Фудбалската федерација на Холандија.
Де Лихт се здоби со повреда на потколеницата и во националниот тим ќе биде заменет со соиграчот од Баерн Минхен, Дејли Блинд.

Холандија, како домаќин на фајналфорот на Лигата на нации, во среда во полуфиналето ќе се сретне со Хрватска во Ротердам.

Во второто полуфинале, Шпанија во четврток во Еншеде ќе игра против Италија.