Енцо Мареска имаше тешка ноќ во Истанбул. Првиот дел беше фантастичен, со Манчестер Сити ја освои Лигата на шампионите по триумфот над Интер (1-0) во финалето. Но, брзо дојде непријатна вест, на Мареска во соблекувалната му соопштија дека неговиот татко исчезнал во Истанбул.
Тој и најблиските пријатели веднаш тргнаа во потрага, а известена беше и турската полиција.
За среќа, сѐ добро се заврши. Италијанските медиуми информираат дека Пасквале, таткото на Енцо Мареска, е пронајден утрово во добра здравствена состојба. Сѐ уште не е јасно каде ја минал вечерта, можеби и славел малку повеќе.
