Тотенхем ги претстави новите дресови на тимот за следната сезона, но главната вест во официјалната фотосесија е дека се појави Хари Кејн. Ѕвездата на Тотенхем силно се поврзува со преселба во друг тим, а Реал Мадрид и Манчестер Јунајтед се сметаат за фаворити за неговиот потпис.
Сепак, раководството на лондончани не сака да се раздели со напаѓачот кој има уште една година од договорот.
Присуството на Кејн се толкува како симболично дека тој сепак може да го исполни договорот со клубот и раководството сака да испрати силна порака до заинтересираните за неговиот потпис.
„Новиот дрес на Тотенхем е инспириран од соседството околу стадионот“, стои во официјалното соопштение на клубот, а е изработен од „Најки“, кој е официјален добавувач на дресови на тимот.
Првпат ќе го носат „мамузите“ на контролниот меч на 18 јули против уште еден лондонски тим, Вест Хем.
