Англискиот премиерлигаш Тотенхем по долга потрага конечно успеа да најде нов тренер. Анге Постекоглу ќе ја преземе клупата на лондонскиот тим, откако успеа да ги договори условите за преселба во Лондон, пренесуваат англиските медиуми.
Тој досега го предводеше шкотскиот шампион Селтик каде работеше две сезони. Оваа сезона освои тројна круна со „детелинките“ од Глазгов.
Австралиецот кој има грчко потекло го убедил претседателот на Тотенхем, Даниел Леви, да го ангажира со напаѓачкиот стил на игра што го форсираше во Селтик.
